O Eixo Atlántico prevé publicar a finais deste ano unha guía ilustrada dedicada ao Camiño de Santiago
O Grupo Temático de Turismo do Eixo Atlántico reuniu a distancia a máis de 45 representantes políticos e técnicos das súas cidades para tomar decisións das actividades que o Eixo Atlántico promove anualmente nesta área.A cidade de Valongo viu aprobada unanimidade a súa candidatura para acoller a VIN edición da feira Expocidades. O vicepresidente do municipio, Ana Maria Rodrigues, presentou as propostas para Expocidades que se realizará en 2021, que se celebrará en paralelo coa Expoval, no centro de Ermesinde, no inicio de setembro.
O III Seminario de Intercambio de Experiencias no ámbito do Turismo, que estaba previsto celebrar este ano en novembro, queda aprazado para maio do próximo, aprobándose a entidade que vai acollelo, a Deputación de Lugo. Quedaron tamén xa aprobadas as próximas sedes deste seminario, para 2020 en Vila Real e para 2023 na cidade de Coruña.
Estas decisións veñen referendar a visión estratexia proposta polo secretario xeral, de dar un maior impulso ao sector do turismo, un dos sectores máis afectados pola pandemia. Neste sentido, o grupo de traballo aprobou tamén a proposta da realización dun *webinario este ano, no que a grandes liñas se propón abordar temáticas que pasen polas perspectivas de recuperación do sector ou o turismo de proximidade non estacional.
O Eixo Atlántico prevé publicar este ano unha guía ilustrada dedicada ao Camiño de Santiago - “Un Camiño de Futuro” - que verá a luz a finais deste ano.