A XII Bienal de Pintura do Eixo chega á Casa da Cultura de Monforte

A exposición, que  integra 28 obras inéditas de artistas galegos e portugueses, permanecerá nesta cidade ata o 13 de novembro

 A Casa da Cultura de Monforte acolle, ata o 13 de novembro, a XII edición da Bienal de Pintura do Eixo Atlántico, con 28 obras inéditas de artistas de Galicia e o norte de Portugal.

A mostra foi inaugurada o 17 de outubro, coa presenza do alcalde de Monforte, José Tomé, e posteriorme será traslada ao concello de Lugo.

Nesta edición, na que participaron máis de 120 artistas, os premios do xurado presidido pola artista portuguesa Paula Tavares, recaeron en:

-Premio Novos Talentos Luso-galaicos: Fragmentos de Memória, de Fábio Araújo

-Segundo Premio de autor galego: América, de Xosé Lois Carreira López

-Segundo Premio de autor portugués: Two Big Women, de Marco Macedo

-Primeiro Premio á mellor obra do certame: Série 0, Descontruindo, de Fátima Teles.

A XII Bienal de Pintura está a percorrer, entre novembro de 2017 e febreiro de 2019, varias cidades membros do Eixo Atlántico: O Barco de Valdeorras, Viana do Castelo, Porto, Braga, Peso da Régua, Riveira, Ourense, Maia, Santa Maria da Feira, Vigo, Monforte de Lemos, Lugo, Lalín e Barcelos.

FOTOS