A vicerreitora do Campus de Ourense da Universidade de Vigo e coautora do informe sobre enoturismo do Eixo Atlántico analiza na SER Ourense as claves para prolongar as estadías na Ribeira Sacra e Valdeorras
"Apostamos por un turismo diferenciado: o turismo de autor". Así resume Montse Cruz, vicerreitora do Campus de Ourense da Universidade de Vigo e coautora do informe Propostas de acción para o enoturismo na Galiza e no Norte de Portugal, unha das liñas de traballo para impulsar o enoturismo no territorio. 
Nunha entrevista na SER Ourense, Cruz destaca que un dos grandes retos é conseguir que quen visita a Ribeira Sacra e Valdeorras non só chegue, senón que decida quedar máis tempo.
A accesibilidade, a profesionalización e a diversificación da oferta son algunhas das claves para avanzar cara a un modelo máis atractivo e competitivo. Neste sentido, o viño pode actuar como motor para crear experiencias que integren paisaxe, patrimonio, gastronomía e cultura, ofrecendo ao visitante unha visión máis ampla do territorio.
O concepto de turismo de autor aposta por experiencias singulares e vinculadas á identidade de cada destino, co obxectivo de aumentar o atractivo turístico, prolongar as estadías e xerar maior actividade económica.
🎙️ Escoita a entrevista completa de Montse Cruz na SER Ourense:
📄 Propostas de acción para o enoturismo na Galiza e no Norte de Portugal